البشره المختلطه دايمًا مظلومه في المنتجات المناسبه ليها و كمان كتير من البنات مبيقدروش يحددوا نوع بشرتهم اذا كانت جافه او دهنيه او مختلطه رغم ان التعرف علي البشره المختلطه سهل جدًا و ده لانها بتجمع بين نوعين بشره مع بعض ، و بتكون فيها منطقة الخدود جافه او عاديه و منطقة الجبهه و الدقن و الانف ” او ما يعرف بالـ T-Zone ” دهنيه. و احنا قررنا اننا في المقاله دي هنساعدك تستخدمي الغسولات المناسبه ليكي. و هنقولك أفضل 10 أنواع غسول للبشرة المختلطة و اللي تقدري تختاري منهم المناسب لـ ميزانيتك.
ايڤاثيرم ايڤابور بيوريفاينج كلينسينج جل / Ivatherm IVAPUR Purifying Cleansing Gel
البشره المختلطه بتحتاج غسول ينظم الافرازات الدهنيه في المناطق الدهنيه فيها. في نفس الوقت ميجففش المناطق الجافه علشان كده الغسول ده من ايڤاثيرم يعتبر افضل غسول متوفر في مصر للبشره المختلطه. و ده بفضل احتوائه علي زيت العرعر اللي بيتميز بانه مضاد حيوي طبيعي و مضاد للالتهابات. كما انه يحتوي علي الـ Zinc PCA اللي بينظم الافرازات الدهنيه. و كمان الجلسرين اللي بيساعد في ان الغسول ميجففش البشره ، متوفر منه حجمين 250 مل و 500 مل و سعر الحجم الصغير في حدود 250 جنيه مصري في الصيدليات الكبيره.
بايوديرما / Bioderma Sebium Cleansing Foaming Gel
بايوديرما من الماركات الفرنسيه الممتازه و الغسول ده منها المفروض انه للبشره الدهنيه و المختلطه. لكنه ميناسبش الدهنيه و يفضل استخدامه للبشره المختلطه فقط و ده لانه مبيقدرش ينظم الافرارز الكبير للدهون بفاعليه كبيره. و في نفس الوقت هو مش بيجفف البشره بشكل قوي رغم انه موجود ضمن مكوناته مواد بتسبب جفاف زي الـ Sulfate. لكنه لحسن الحظ مش بيجفف ، كمان هو بيفرق بنسبه كويسه جدًا في محاربة الحبوب و البكتيريا ، سعره تقريبًا 220 جنيه و حجمه حوالي 200 مل و سهل تلاقيه في الصيدليات الكبيره.
لاروش بوزاي ايفاكلار چل / La Roche Posay Effaclar Gel
في مقال أفضل 10 غسولات للبشره الدهنيه اتكلمنا عن نفس الغسول ده من لاروش و اخد تقريبًا الترتيب السادس. و كان السبب في كده انه مش بينظم الافرازات الدهنيه بشكل كبير. و كمان كان ضمن مميزاته انه مش بيجفف البشره عشان كده هو مناسب جدًا للبشره المختلطه. بيحتوي طبعًا علي نسبَه كبيره من المياه الحراريه اللي بتساهم بشكل كبير في تهدئة التهابات البشره و كمان بيحتوي علي حمض الساليسيليك اللي بيكافح الحبوب و بيقضي علي البكتيريا بدون ما يسبب جفاف زياده في البشره.
سيباميد كلير فيس كلينسينج فوم / Sebamed Clear Face Cleansing Foam
من أفضل 10 أنواع غسول للبشرة المختلطة حيث ان منتجات سيباميد كلها بتتميز بانها بتعادل حموضة البشره و ده عن طريق انها بتحتوي علي معدل حموضه 5.5. ده مشابه جدًا لمعدل حموضة بشرتنا. و ده معناه انه لا يمكن يسبب اي جفاف للبشره. و كمان هو بيحتوي علي فيتامين B3 اللي بيقوي الحاجز المناعي للجلد و كمان بيعالج اي التهابات موجوده فيه و كمان بيحتوي علي مادة Montaline اللي بيتكافح البكتيريا المسببه لحب الشباب ، ممكن مش كل الناس تفضله لانه بيحتوي علي نسبه صغيره من العطور لكنها برده مش مؤذيه للبشره الحساسه ، سعره 240 جنيه مصري.
فارماسيرز كلينسينج فوم / Pharmaceris Cleansing Foam
زي ما اتكلمنا عن غسول فارماسيرز الجل في مقالة أفضل 10 غسولات للبشره الدهنيه. لازم نتكلم عن الغسول الفوم في المقاله دي و ده لان الغسولات الفوم تعتبر الافضل للبشره المختلطه لانها مش بتجفف الجلد زي الغسولات اللي بتكون في صورة Gel. الغسول ده بيحتوي علي الزنك اللي بيقلل من التهابات الجلد. و كمان بيقلل الافرازات الدهنيه و كمان حمض الماندليك و ده نوع من احماض الفواكه المقشره للجلد و طبعًا حمض الساليسيليك اللي بيقضي علي البكتيريا ، و كمان داخل ضمن مكوناته الـ Mango Wax اللي بيرطب الجلد ، سعره متوسط 160 جنيه.
اڤين كلينانس كلينسنج چل / Avène Cleanance Cleansing Gel
علي الرغم ان الغسول ده اعتبرناه أفضل غسول للبشره الدهنيه الا اننا مش هنقدر نعتبره الأفضل كمان للبشره المختلطه. و ده لانه بيسبب جفاف كبير للبشره للاسف خلال تنظيمه للافرازات الدهنيه. لكنه بيفضل اختيار جيد جدًا للبشره المختلطه لو هنراعي الترطيب الكافي بعد استعماله خاصًة في الاماكن الجافه من بشرتنا. بيحتوي طبعًا علي المياه الحراريه لافين و كمان مناسب للبشره الحساسه و المتهيجه و بيتميز بانه خالي من الصابون.
غسول نيتروجينا / Neutrogena® Hydro Boost Water Gel Cleanser
غسول نيتروجينا هيدروبوست بيوعد بترطيب البشره من الاعماق بالاضافه لازالة كل الشوائب من البشره. و كمان بقايا المكياج و هو فعلًا بيقدر يرطب البشره بفضل وجود حمض الهيالورونيك في تركيبته. و حمض الهيالورونيك معروف بقدرته علي حمل جزيئات المياه للبشره و ترطيبها من الداخل. الغسول ده غير مناسب للبشرات الحساسه لانه بيحتوي علي نسبه من العطور و ان كانت نسبه قليله. لكنها مش بتناسب كل الناس لكن ميزة الغسول ده انه سعره متوسط حوالي 170 جنيه مصري و منصحكيش باستخدامه لو بشرتك معرضه لظهور الحبوب.
غسول هيمالايا للتنقيه بعشبة النيم / Himalay Purifying Neem Face Wash
غسول هيمالايا بعشبة النيم و الكركم غسول سعره رخيص ( 60 جنيه ) و فئه كبيره من البنات تقدر تشتريه. و هو فعلًا غسول لطيف جدًا للبشره المختلطه. و كمان الدهنيه لكن بشرط تكون البشره غير حساسه لانه بيحتوي علي نسبه من العطور ممكن تسبب تحسس لو البشره حساسه . من اكبر مميزاته انه بيقلل الرؤوس السوده بشكل كبير لكن للاسف مشكلته انه بيجفف البشره بشكل كبير فـ ضروري ترطيب البشره بشكل مكثف بعده.
غسول يورياچ هيسياك / Uriage Hyséac Cleansing Gel
غسول ناتري / Natry Foaming Cleanser